GRACE THROUGH FAITH COMMUNITY CHURCH
1st QUARTERLY WOMEN’S FELLOWSHIP
“Mga asawang babae, pasakop kayo sa inyu-inyong mga asawa, gaya ng pagpapasakop ninyo sa Panginoon. Sapagkat ang asawang lalaki ang ulo ng asawang babae, gaya ni Kristo na ulo ng iglesya, na Siya ang tagapagligtas ng katawan. Subalit kung paanong ang iglesya ay napapasakop kay Kristo, gayundin ang mga asawang babaes sa kanilang mga asawa sa lahat ng mga bagay.”
- Efeso 5:22-24 -
Panimula :
Ang salitang pagpapasakop ng asawang babae sa kanyang asawa sa mahigpit na tinutulan ng marami sa mga kababaihan dahil sa maling pananaw patungkol sa salitang pananakop. Tandaan natin na ang talatang ito sa Bibliya ay sinulat ni Apostol Pablo sa mga asawang babae na nakipag-isa kay Kristo. Upang maintidihan natin kailangan nating isaalang-alang kung sino ang Diyos sa Kanyang pagiging Diyos(sovereign God) na nagwika nito. Ito ay Disenyo at Utos ng Diyos sa asawang babae.
I. Dahilan ng Pagpapasakop ng Aswang Babae
A. Inuutos ng Diyos (Colosas 3:18, Tito 2:5, 1 Pedro 3:1)
• Pagpapakita ng pag-ibig kay Kristo
• Pagpapakita ng pag-ibig sa asawa
B. Pag-aari ng Asawang Lalaki (1 Corinto 7:4a)
II Limitasyon ng Pagpapasakop
Ang asawang babae ay kailangan magpasakop sa kanyang asawa mananampalataya man ito o hindi (1 Pedro3:1). Siya ay dapat magpasakop sa lahat ng bagay. Ngunit ang pagpapasakop ay may limitasyon gaya ng pagsunod natin sa awtoridad gaya ng mga namumuno sa ating bayan at ating mga pinag-tatrabahuhan. May isa lamang dahilan na hindi dapat magpasakop sa asawa at ito ay kung ang nais ng asawang lalaki ay hindi ayon sa Bibliya. Sa Diyos dapat sumunod hindi sa tao (Mga Gawa 5:29).
• Doktrina
• Moralidad
• Prinsipyo
III. Pagsasalarawan ng Pagpapasakop
Pagpapasakop ng Iglesya kay Kristo at Pagpapasakop ni Kristo sa Kanyang Ama
Dahilan ng Pagsasalarawan
• Upang ito ang maging basihan ng pagpapasakop sa pagtupad ng inuutos
• Upang himukin ang mga asawang babae na magpasakop sa kanyang asawa
IV. Pagtutol sa Pagpapasakop
Marami ang tumututol sa utos na ito sapagkat ito ayon sa kanilang opinyon ay nagsusulong ng pang-aalipin. Ngunit atin tandaan mga kababaihan kay Kristo Hesus na ito ay disenyo at utos ng Diyos para sa mga kababaihan.
Narito ang ilan sa mga kadahilanan ng pagtutol:
Ang asawang lalaki ay hindi Kristiyano
Maling pananaw sa konsepto ng pagpapasakop na ang nagpapasakop ay mababang uri ng tao at ang may awtoridad ay mataas na uri ng tao
Pang-aabuso ng mga asawang lalaki sa kanilang awtoridad bilang asawa
V. Mga Paalala sa Pagpapasakop
• Ang pagpapasakop ay hindi estado ng pagiging tao bilang nilikha kundi isang responsibilidad na ibinagay ng Diyos sa asawang babae
• Ang pagpapasakop ay hindi dapat napipilitan kundi pagpapasakop na may pag-ibig sa asawa at sa Diyos
• Ang pagpapasakop ay kailangan nakabase sa Salita ng Diyos
• Ang lalaki ang ulo, lider, at tagapag-bigay ng pangangailangan ngunit ang babae ang katuwang, kapanalig, at kasama
• Ang ulo ni Kristo ay ang Diyos Ama, ang ulo ng iglesya ay si Kristo, at ang ulo ng babae ay ang lalaki
• Ang awtoridad at pagpapasakop ay kumikilos ng may kaayusan (harmony) para makamtan ang layunin ng Diyos, sa Kanyang kaluwalhatian
Mga Ipinamamanhik na Basahin at Pag-aralan na Makakatulong Bilang isang Babae, Asawang Babae, at Ina:
• Mga Kawikaan 31:10-31 Ang Huwarang Maybahay
• I Corinto 11:2-15 Ang Tungkol sa Pagtatalukbong
• I Corinto 7:25-40 Ang mga Balo at Walang Asawa
• I Corinto 7:1-24 Ang Patungkol sa Pag-aasawa
• 1 Timoteo 2;9-15 ; 1 Corinto 14:34-35 Ang Nararapat sa Pagsamba
• Mga Kawikaan 14:1 Ang Matalinong Babae
• Tito 2:3-5 Ang Pagiging Guro sa mga Kababaihan
Sanggunian:
Bibiya
Difference by Design by John Macarthur
http://www.biblebb.com – Question and Answer by John Macarthur
For God’s Glory
04/25/10
No comments:
Post a Comment