NARINIG MO BA ANG PANAWAGAN?

HEBREO 2:3

Paanong makatatanan tayo, kung ating pabayaan ang ganitong dakilang kaligtasan?

PANIMULA

A. EDSA REVOLUTION

·        Ika-27 Anibersaryo ng Edsa Revolution laban sa Administrasyong Marcos.

·        Ito ay nakaugnay sa pagpatay sa dating senador na si Benigno Aquino Jr. o mas kilalang Ninoy

·        Siya ay pitong taon at pitong buwan sa Amerika at ninais na makabalik muli sa Pilipinas 

·        Siya ay binigyan ng babala na ipagpaliban muna ang binabalak sapagkat maari mangyaring masama sa kanya at ito ang kanyang sagot:

o   “if it's my fate to die by an assassin's bullet, so be it”

·        At nangyari nga noong Agosto 21, 1983 siya ay binaril habang siya ay pababa ng eroplanong kanyang sinasakyan

·        Binaliwala niya ang panawagan ng kanyang mga kaibigan at mga nagmamalasakit sa kanya.

·        Ang Mensahe ngayong umaga ay patungkol sa Panawagan

PAMAGAT : NARINIG MO BA ANG PANAWAGAN?

TEKSTO : Hebreo 2:3 - Paanong makatatanan tayo, kung ating pabayaan ang ganitong dakilang kaligtasan?

               Ito ay isang katanungan na kapag hindi binigyan ng atensyon ay tulad ng panawagan sa namayapang Benigno Aquino Jr. na kanyang sasapitin sa pagbabalik Pilipinas.

              

Konteksto:

·        Ito ay panahon ng matinding pighati at pag-uusig na nararanasan ng mga Kristiyanong Hudyo

·        Ang teksto ay nasasakop sa pagpapakilala kay Kristo at kung paano ipinapakikilala si Hesus Kristo para sa kaligtasan

·        Empasis : Paghahayag ng Mabuting Balita na walang iba kundi si Kristo na dapat panampalatayan dahil Siya ang dakilang Kaligtasan

·        Sa kabila ng matinding pag-uusig ang mga mananampalataya ay walang humpay rin sa pagpapahayag ng Mabuting Balita ng dakilang kaligtasan kay Hesu-Kristo

·        Ngunit marami ay hindi pinapahalagahan ang Mabuting Balita ng dakilang kaligtasan dahil mas iniisip ang mga bagay na may kinalaman sa pag-uusig (iniisip nila na makaligtas sa pag-uusig)

·        Kaya’t itong teksto ay nabanggit upang maging isang paalala sa mga Kristiyanong Hudyo noong panahon na iyon patungkol sa dakilang kaligtasan. At ito ay nagpapatuloy sa panahon natin. Ito ay para sa atin rin.

·        Mapapansin ang kabuuan ay patungkol sa Pagpapahayag at pagpapatotoo ng Mabuting Balita.

THESIS: TATLONG NILALAMAN NG PANAWAGAN NG MABUTING BALITA

A. Panawagan ng Mabuting Balita (Ang Dakilang Kaligtasan)

              

·        Gaano kadakila ang Kaligtasan?

o   Ito ay plano ng Dakilang Diyos

o   Ito ay isinagawa ng Maawaing Diyos

§  Sa korte ng Diyos sa araw ng Huling Paghahatol nakatayo tayo sa harapan ng Banal na Diyos

§  Sa pamamagitan ng batas, huhusgahan tayo ng Diyos na nakabase sa ating mga ginawa

§  At ipapakita ng Diyos ang lahat ng ating paglabag laban sa Kanya at sa Kanyang Salita

§  At ito ang hatol – habambuhay na pighati at pagdurusa sa gitna ng apoy ng impyerno

§  Ipapataw sa atin ang Kayang hustisya sa araw na iyon at wala tayong magagawa upang mapawi ang poot ng Diyos dahil sa kasalanan maliban na mawala ang kasalanan natin

§  Ngunit sa awa ng Diyos ang Kanyang pinakamamahal na Anak ang ipinalit Niya sa atin upang lumasap ng Kanyang walang hanggang hustisya at poot

§  Huwag nating isipin na nakalimutan na ng Diyos ang kasalanan natin

§  Hindi Niya ito nakalimutan maliban na makuha Niya ang hustisya

§  Kaya ang kasalanan na ating nagawa laban sa Kanya ay Kanya ng kinalimutan sa pagkat nakuha na Niya ang hustisya – hindi sa atin kundi sa Kanyang Anak na naging kahalili natin.

§  Inilipat ang lahat ng ating kasalanan sa Kanya upang Siya ang dumanas ng poot ng Ama, ng sariling Ama mismo sapagkat wala ni isa sa nilikha Niya ang karapat-dapat na maging alay upang ang kasalanan natin ay mabura at tanging ang katuwiran ng Anak ang katanggap-tanggap at ito ang ibinigay sa atin para sa ating katuwiran (2Corinto 5:21)

o   Gaano kadakila ang kaligtasan?

§  Namatay ang Pinagmumulan ng Buhay upang tayo ay mabuhay.

§  Bumaba mula sa kaluwalhatian, ipinanganak upang magdusa, at mamatay para sa kasalanan

§  Isang walang kasalanan para sa mga makasalanan

o   Gaano kadakila ang kaligtasan?

§  Walang hanggang pighati na napalitan ng walang hanggang kagalakan

§  Walang hanggang parusa na napalitan ng di mapapantayang kapayapaan

§  Isang kakilakilabot na sumpa na napalitan ng dakilang biyaya

§  Walang hanggang poot ng Diyos na naging walang hanggang awa

§  Mula sa karimlan ay nagkaroon ng pag-asa

§  Hustisya na napalitan ng habag sa pamamagitan ni Hesus na Kanyang Anak

Hamon : Narinig mo ba ang panawagan? Hindi ba’t dakila ang kaligtasang ito. Ito ba’y pinapasalamatan ninyo araw-araw sa inyong panalangin sa Diyos? Kung walang plano ang Diyos upang ibigay ang Anak bilang sakripisyo para ang bawat isa ay maligtas ano ang kahihinatnan ng buhay natin pagpikit ng ating mga mata? Kung ang hustisya ay sa atin hiningi walang hanggang pighati ang dulot nito sa lugar na kung tawagin ay impyerno. Isipin mong mabuti ang pinakadakilang bagay dito sa mundo na iyong inaasam na maari mong ipagpalit ang panawagan ng kaligtasan.

B. Panawagan : Ang Pagtugon (Kung Ating Pababayaan)

·        Ang Mabuting Balita ay Hinihintay ang Iyong Tugon

o   Pagdedesisyon

§  Panahon ni Noe aon ang paghihintay sa pagtugon ng mga tao

·        1Pedro 3:20 - Na nang unang panahon ay mga suwail, na ang pagpapahinuhod ng Dios, ay nanatili noong mga araw ni Noe, samantalang inihahanda ang daong, na sa loob nito'y kakaunti, sa makatuwid ay walong kaluluwa, ang nangaligtas sa pamamagitan ng tubig:

§  Naalala nyo ba ang turo ni Hesus sa makitid at malawak na pintuan?

§  Ang binatang mayaman, Ang mga Alagad, Kahit sa panahon ni Elias hinihintay ang pagtugon

o   Pagpapasawalang Bahala

§  Marami tagpo sa Bibliya kung saan pinasawalang bahala ang panawagang ito

·        Mateo 11: 17 - At sinasabi, Tinutugtugan namin kayo ng plauta, at hindi kayo nagsisisayaw; nagsipanambitan kami, at hindi kayo nangahapis.

·        Si Felix na ipinagpaliban

·        Si Festus na nanlibak

·        Si Agripa na nag-atubili

·        Mga Hudyong nagmatigas

·        Maging si Pilato at Hudas na narinig ang panawagan

o   Hanggang sa Panahon natin at sa mga Huling Araw

§  Patuloy ang panawagan at hinihintay ang pagtugon ngunit patuloy na pagpapasawalang-bahala

o   Lukas 16:24 - At siya'y sumigaw at sinabi, Amang Abraham, maawa ka sa akin, at suguin mo si Lazaro, upang itubog niya sa tubig ang dulo ng kaniyang daliri, at palamigin ang aking dila; sapagka't naghihirap ako sa alab na ito.

Hamon: Narinig mo ba ang panawagan? Ano ang iyong tugon kapatid, ikaw na alam mo sa sarili mo na walang pang kaligtasan at ikaw na nagkukunwaring ligtas? Ipipikit mo ba ang iyong mata at tatakpan ang iyong tenga at magkukunwaring walang narinig? Sa araw na pagharap sa Diyos ang panawagang iyan ay muling bubulong sa iyong isipan at aalingawngaw ng paulit-ulit sa iyong tenga ngunit wala ng pagkakataon upang  tumugon sa panawagan na iyan. Bitbit mo sa araw na iyon ang panghihinayang at pagsisi sa iyong di pagtugon.  May oras ka pa ngayon bago dumating ang araw na iyon ng paghuhusga ng Diyos. Narinig mo ba ang panawagan?

C. Panawagan : Ang Babala (Paano Nga Tayo Makakatakaas..)

·        Ang Bibliya ay Punong-puno ng Babala

o   Sa Lumang Tipan kahit sa loob ng Hardin ng Eden ay mayroon ng Babala

o   Tuwing mayroong batas naroon ang babala, babala sa kasiguraduhan ng kamatayan

o   Mga babala na ipinangaral at ipinagsigawan ng mga propeta

o   Ang mga pangangaral at katuruan ni Kristo lalo na sa publikong pangangaral ay mga babala

§  Sermon sa Bundok ay nagtapos sa dalawang taong nagtayo ng bahay

§  Mga Talinhaga sa Mateo 13 na katapusan ay may mga babala at ang huling talinhaga ay Talinhaga ng Lambat

o   Ang pangangaral ni Juan Bautista

§  Mateo 3:7 - Datapuwa't nang makita niyang marami sa mga Fariseo at Saduceo na nagsisiparoon sa kaniyang pagbabautismo, ay sinabi niya sa kanila, Kayong lahi ng mga ulupong, sino ang sa inyo'y nagpaunawa upang magsitakas sa galit na darating?

o   Ang mga pangangaral ng mga Apostol

·        Ang Kasalukuyang Kondisyon

o   Ang tanong na “Paano nga tayo makakatakas” ay nagsasaad ng kasalukuyang kundisyon

§  Isang tanong ng isang preso sa kapwa preso “paano nga tayo makakatakas..”

o   Ipinapakita nito ang ating kalagayan na dapat matakasan at ito ay ang matinding poot ng Diyos

§  Roma 1:18 - Sapagka't ang poot ng Dios ay nahahayag mula sa langit laban sa lahat na kasamaan at kalikuan ng mga tao, na mga sinasawata ang katotohanan ng kalikuan;

§  Juan 3:36 - Ang sumasampalataya sa Anak ay may buhay na walang hanggan; nguni't ang hindi tumatalima sa Anak ay hindi makakakita ng buhay, kundi ang poot ng Dios ay sumasa kaniya.

·        Ang Pangangaral na Itinatago ay ang Problemang Dapat Solusyunan

o   Marami sa mga mangangaral sa kasalukuyan ang ayaw banggitin ang kasalanan base sa batas ng Diyos

o   Bakit maraming pastor ang ayaw direktahin ang problema na dapat solusyunan?

§  Dahil ba ayaw makasakit ng damdamin ng tao?

·        Marami pangangaral na isinasaalang-alang ang damdamin ng tao kaysa sa damdamin ng Diyos

·        Mas iniisip ang sasabihin ng tao kaysa sa sasabihin ng Diyos sa kanya.

·        Sa mga mangangaral huwag ninyong gawing lolipop ang Espada na may dalawa ang talim

·        Kung ayaw ninyong masaktan silang mga nakikinig – huwag mong sabihin ang katotohanan at patuloy mong itago ito sa kanila – ngunit pananagutan mo ito sa Diyos

§  Dahil ba ayaw mawalan ng miyembro?

·        Hindi tinago ni Hesus sa mayamang binata ang katotohanan

·        Maging sa babaeng Samaritana, Sa babeng nangangalunya,

·        Sa mga Pariseo na sinabihan Niya na mamamatay kayo sa inyong mga kasalanan

·        Huwag ninyong ipagkait sa kanila ang katotohanan patungkol sa kanilang kalagayan

·        Ipaalam ninyo ito sa kanila – mahabag kayo

·        Dahil sa ganitong klaseng pangangaral maraming kambing ang akala nila sila ay tupa, mga talahib na akala nila sila ay trigo.

·        Naisin natin sa kanila ang kaligtasan nila at hind imaging miyembro ng iglesya lamang.

o   John Bunyan (Pilgrim’s Progress) - Then I saw that there was a way to hell, even from the gate of heaven”

§  Dahil ayaw marinig ito ng tao

·        Ang mga taong ayaw marinig na sila ay may kanser ay kailanman ay di nila kailangan ng doctor at gamot.

·        Ang batas na nagsasabi na ang tao ay makasalanan ay siya ring magdadala kay Kristo (Galacia 3:19, 24)

o   Hindi Mapaghihiwalay ang Kaligtasan sa Kasalukuyang Kalagayan dahil sa Kasalanan

§  Sapagkat ang tao ay ililigtas sa kapangyarihan, sumpa, akusa, at kabayaran ng kasalanan

§  Ang kasalukuyang kalagayan ay dapat maipaunawa sapagkat walang makakatakas sa kalagayang ito maliban sa pamamagitan ni Hesus.

Hamon: Narinig mo ba ang panawagan? Ang panawagan na ikaw ay hindi makakatakas sa kalagayan ng sumpa, akusa,

kapangyarihan, at hatol ng batas dahil sa kasalanan kung iyong ipagpapasawalang-bahala ang dakilang

kaligtasan. Kapatid hindi ka makakatakas maliban na makita mo at pahalagahan ang panawagan ng mensahe ng dakilang kaligtasan hanggang sa kabilang buhay.

KONKLUSYON

               Sa talinhaga ni Lazaro at Mayamang Lalaki, ang panawagan ay kinaligtaan, pinasawalang-bahala. Sa kabilang buhay siya ay nanghihinayang at nagdurusa. Kapatid, marami ang nananalangin para sa iyong kaligtasan. Ang mga  pangangaral ng Mabuting Balita na iyong mga napakinggan sa buong buhay mo na minsan na iyong hindi pinahalagahan, iniwasan, at maaring iyong kinutya ay ang panawagan sa iyo upang ikaw ay makatakas sa matuwid na paghahatol ng Diyos at maranasan ang dakilang kaligtasan na tanging kay Hesus lamang makakamtan. Muli ay ang tanong sa iyo... Narinig mo ba ang panawagan?

Soli Deo Gloria

Mout Zion Baptist Church,  Paliparan

Pebrero 24, 2013

PANANAMPALATAYA : PAGTUON SA PANGAKO SA GITNA NG PAGUUSIG

HEBREO 11:39-40

At ang lahat ng mga ito, nang sila'y mapatotohanan na dahil sa kanilang pananampalataya, ay hindi kinamtan ang pangako,Na ipinaghanda ng Dios ng lalong mabuting bagay tungkol sa atin, upang sila'y huwag maging sakdal ng bukod sa atin.

PANIMULA

A. James Renwick (Presbyterian Covenanter)

·        Pebrero 17, 1688 – ika 325 anibersaryo ng kamatayan ng huling Presbyterian Covenanter ng Scotland

·        Nakulong at nahatulan ng kamatayan.

·        Dahilan sa pananampalataya at maitaguyod ang adhikain ng Repormasyon

·        "Now I am near the end of time, I desire to bless the Lord, it is an expressly sweet and satisfying peace to me, that he hath kept me from complying with enemies in the least." Perceiving his mother weep, he exhorted her "to remember that they who loved anything better than Christ were not worthy of him. If ye love me, rejoice that I am going to my Father, to obtain the enjoyment of what eye hath not seen, nor ear heard," Then he went to prayer, wherein he run out much in praise, and pleaded much in behalf of the suffering remnant, that the Lord would raise up witnesses that might transmit the testimony to succeeding generations, and that the Lord would not leave Scotland, asserting with great confidence of hope, that he was strengthened in the hope of it, that the Lord would be gracious to Scotland.

·        Makikita natin dito ang pananampalataya ni James Renwick na nakatuon sa pangako ng Diyos sa gitna ng pag-uusig

·        Ito ay nahahalintulad sa texto na ating hihimayhimayin at pagsasaluhan para sa atin at higit sa lahat sa ikapupuri ng Diyos

B. Pananampalataya

·        Maraming nagsikap at nagbuwis ng buhay upang magkaroon lamang tayo ng pananampalataya kay Kristo na kahit tayo ay hindi natin tinanggap sa una at ang ilan sa atin ay kinutya pa ang pangangaral ng Ebanghelyo.

·        Ngunit magpasalamat tayo at marami ang nagpupursige na ipangalat ang Mabuting Balita upang magkaroon ng pananampalataya

·        Ang kontexto po ng buong Aklat ng Hebreo ay Pananampalataya at binigyan ng diin sa kabanata 11.

Thesis: Ang Dalawang Kilos ng Iisang Pananampalataya

I. Ang Kapangyarihan ng Pananampalataya sa Gitna ng Pag-uusig

Kontexto ng Texto

·        Aklat

o   Ang sulat na ito ay sa panahon bago mawasak ang templo para sa mga Kristiyanong Hudyo

o   Ang kalagayan nila ay nasa matinding pag-uusig na humantong sa pagkawasak ng templo noong AD 70

·        Layunin

o   Mabigyan ang kaaliwan sa kanilang kalagayan sa pamamagitan ng pananampalataya

o   Mapapansin sa kabanatang ito (kabanata 11) ang paulit-ulit na paggamit ng salitang PANANAMPALATAYA at sa kabanata 12 at 13 ay ang paguutos na gamitin ito

§  Sa kabanata isa hanggang sampu ay nakasentro kay Hesus – na dapat panampalatayanan

§  Sa kabanata 11 ay binigyan ng diin ang salitang pananampalataya

·        Ang kahulugan

·        Mga pagsasalarawan

·        Mga patotoo

1.1 Ang Pag-uusig sa Buhay ng Kristiyano

·        Ito ay nararanasan ng lahat ng tao mananampalataya man o hindi mananampalataya

o   Halimbawa : Ang dating Pangulo : Marcos, Estrada, Arroyo

o   1Pedro 4:15 - But let none of you suffer as a murderer, a thief, an evildoer, or as a busybody in other people's matters.

·        Ito ay sinasabi ng Bibliya

o   Ito ay inihayag ni Hesus

§  Sermon sa Bundok

·        Mateo 5:10-11“Mapapalad ang mga pinaguusig dahil sa katuwiran: sapagka't kanila ang kaharian ng langit. Mapapalad kayo pagka kayo'y inaalimura, at kayo'y pinaguusig, at kayo'y pinagwiwikaan ng sarisaring masama na pawang kasinungalingan, dahil sa akin.”

§  Paalala sa mga alagad bago Siya mahuli at mahatulan ng kamatayan sa krus

·        Juan 16:33 – “Ang mga bagay na ito ay sinalita ko sa inyo, upang kayo'y magkaroon sa akin ng kapayapaan. Sa sanglibutan ay mayroon kayong kapighatian: nguni't laksan ninyo ang loob; aking dinaig ang sanglibutan.”

Empasis : Tayong mga Kristiyano ay hindi naiiba sa kanila kaya’t sa mundong ito ay mararanasan din natin ang kapighatian

o   Ito ay ipinagkaloob ng Diyos

§  Filipos 1:29 - “Sapagka't sa inyo'y ipinagkaloob alangalang kay Cristo, hindi lamang upang manampalataya sa kaniya, kundi upang magtiis din naman alangalang sa kaniya”

o   Ito ay may layunin sa misyon

§  Mga Gawa 8:4 -Ang mga nagsipangalat nga ay nagsipaglakbay, na ipinangangaral ang salita.

o   Ito ay nagpapatatag

§  Santiago 1:3 -Yamang nalalaman na ang pagsubok sa inyong pananampalataya ay gumagawa ng pagtitiis.

Empasis : Ang paguusig ay bahagi ng buhay ng isang Kristiyano na dapat tanggapin at harapin at makita ang kapangyarihan at

                    kabutihan ng Diyos. Hindi ito ibinigay para pahirapan lamang ang bawat isa sa atin.

1.2  Tanging Pananampalataya ang Sandata upang Manatili sa Buhay Kristiyano

·        Patotoo ng mga tao sa Lumang Tipan – Hall of Faith

o   Abel – Patunay na siya ay matuwid (v.4)

o   Enoch – Patunay na nalugod ang Panginoon (v.5)

o   Noe – Patunay na tagapagmana ng katuwiran (v.7)

o   Abraham – Nakatanggap ng mana, Buong pusong iniaalay ang kanyang anak (v.8-10, 17)

o   Sarah – Nagkaroon ng lakas / kakayanan makapagdalang-tao (v.11)

o   Isaac – Ginabayan ng pagbibigay basbas sa mga anak (v.20)

o   Jacob – Sumunod sa Diyos sa pagbibigay ng basbas sa mga anak (v.21)

o   Joseph – Nagpropesiya na paglisan ng lahing Israel sa Ehipto (v.22)

o   Moses – Higit na pinili mamuhay kasama ng kanyang lahi sa kanilang paghihirap (v.24-27)

o   Rahab – Hindi napahamak (v.31)

o   Hukom, Hari, Propeta – Nagtagumpay sa pakikipaglaban sa ibang kaharian, namuhay sa katuwiran at inigatan ng Diyos, (v.32-34)

o   Balo – nabuhay ang kanilang mga namatay na minamahal (v.35a)

o   Mga Martir – mga pinahirapan hanggang mamatay, kinulong, kinutya, pinagkaitan ng hustisya, binato hanggang mamatay, namuhay na walang puwang sa mundo

§  Ang mga ito ay dahil sa pananampalataya

§  Ipinakikita ang katapatan ng Diyos

§  Ganoon din ang kahalagahan ng Diyos kaysa sa sariling buhay

o   Hindi ito nakatuon sa mga tao kundi sa nagawa ng pananampalataya sa buhay ng mga tao

·        Ipinagkukumpara ba?

o   Maari nating isipin na ikinukupara ng may-akda ang pananampalataya ng mga tao sa lumang tipan sa pananampalataya ng mga Kristiyanong Hudyo. Ngunit hindi ito ang layunin

o   Ang ilan sa mga Kristiyano maaring sabihin na iba siya, iba ako

§  Kadalasan ay kinukumpara sa pastor o sa ibang lider ng iglesya (may mataas na antas)

§  Ngunit hindi ganoon ang nais ng Panginoon makitang reaksyon sa bawat isa sa atin

·        Bakit Inilista ng May-Akda?

o   Ito ay upang ipaalam ang nagagawa ng pananampalataya

§  sa iba’t ibang sitwasyon

§  sa iba’t ibang panahon

§  sa iba’t ibang antas ng tao

·        Ito ay di lamang naranasan ng mga tao sa Lumang Tipan. Itoy nagtuloy-tuloy sa buong kasaysayan ng Kristiyanismo.

o   Ang mga Apostol

§  Pedro, Andres, Tomas

o   Ang mga Unang Kristiyano sa ilalim ng Imperyo ng Roma

§  Polycarp,

o   Ang mga Nagsulong ng Repormasyon

§   John Wycliff

§   John Hus

o   Ang mga Misyonaryo sa kasalukuyang panahon

Hamon : Magpapatuloy ka ba sa buhay Kristiyano sa kabila ng paghihirap at pag-uusig o hindi na at mamumuhay na

                lang  walang pagtitiwala sa Diyos?

Ganito ang nakita ng may-akda ng aklat na ito kaya nabanggit sa kabanata 6 ay yung paalala na wala ng Kristo na ipapakong muli para sakanila.

Sa talinhaga ng mga lupa . Yung lupang mabato ang ilalim at yung madawag ay tinanggap ang binhi ngunit hindi nakatagal at di nakapamunga dahil sa paguusig at kapighatian na naransan.

Handa ka bang ibigay ang buhay mo sa Diyos? Bakit sa maliliit na bagay ay naipagpapalit natin ang Diyos? Ito ay isang hamon sa natin mula sa maliliit na pag-uusig sa buhay natin bilang mga Kristiyano hanggang sa matinding pag-uusig.

II. Ang Kapangyarihan ng Pananampalataya sa Patuloy na Pagtuon sa Pangako

Pagsasalarawan : Napapanahon ngayon ang mga pangako, gaya ng pagtuldok sa kahirapan, matiwasay na buhay,

    kaunlaran at iba pa. Ito ay mula sa mga kandidato sa darating na halalan. Marami sa ating mga

    kababayan ang nananatiling umaasa at nakatuon sa mga ipinangako na iyon.

     Kung ang mga tao ay determinadong nakatuon sa pangako na iyon kaya niya iboboto ang napiling kandidato higit dapat ang mga Kristiyano sa pagkat tapat ang Diyos na nangako. Dumating man ito sa panahon natin o sa panahon na wala na tayo sa mundong ito, dapat ay manatiling nakatuon at umasa sa pangakong iyon sapagkat tapat ang nangako (Hebreo 10:23) at inuutusan tayo na ituon ang paningin kay Kristo (Hebreo 12:2).

2.1 Pananampalatayang Nakatuon sa Pangako

v. 39 - At ang lahat ng mga ito, nang sila'y mapatotohanan na dahil sa kanilang pananampalataya, ay hindi kinamtan ang pangako,

·        Ano yung pangako na kanilang inaasahan?

o   Si Hesus ang Kanilang Inaasahan

§  Si Abraham ay inaasahan si Hesus

·        Juan 8:56 - Nagalak ang inyong amang si Abraham na makita ang aking araw; at nakita niya, at natuwa.

§  Si Simeon

·        Lukas 2:25-26 - At narito, may isang lalake sa Jerusalem, na nagngangalang Simeon; at ang lalaking ito'y matuwid at masipag sa kabanalan, na nag-aantay ng kaaliwan ng Israel: at sumasa kaniya ang Espiritu Santo. At ipinahayag sa kaniya ng Espiritu Santo, na di niya makikita ang kamatayan, hanggang sa makita muna niya ang Cristo ng Panginoon.

·        Lukas 2:30 - Sapagka't nakita ng aking mga mata ang iyong pagliligtas,

§  Juan Bautista

·        Mateo 11:3 - At sinabi sa kaniya, Ikaw baga yaong paririto, o hihintayin namin ang iba?

§  Siya ang binabanggit ng mga Propeta, ng mga Awit, at ng Batas.

·        Lukas 24:44 - At sinabi niya sa kanila, Ito ang aking mga salitang sinabi ko sa inyo, nang ako'y sumasa inyo pa, na kinakailangang matupad ang lahat ng mga bagay na nangasusulat tungkol sa akin sa kautusan ni Moises, at sa mga propeta, at sa mga awit.

·        Hindi Ito Nakamtan ang Pangako

o   Hindi ito binanggit upang pahinahin ang kanilang loob kundi upang palakasin

o   Kahit hindi nakita o naranasan ng mga nasa Lumang Tipan ang pangako ng pagdating ng Mesias ay nanatili sila sa pananampalataya

o    Mga tagpo sa Bagong Tipan

§  Sa sitwasyon ni Pedro

·        2Pedro 3:4 - At magsisipagsabi, Saan naroon ang pangako ng kaniyang pagparito? sapagka't, buhat nang araw na mangatulog ang mga magulang, ay nangananatili ang lahat ng mga bagay na gaya ng kalagayan nila mula nang pasimulan ang paglalang.

o   Siguradong sa panahon natin ngayon may nag-iisip ng ganitong kaisipan lalo na ang mga Atheista  at iba pang relihiyon na hindi naniniwala sa pagdating muli ni Hesus

2.2 Isang Pangako sa Lahat ng Mananampalataya

v.40 - Na ipinaghanda ng Dios ng lalong mabuting bagay tungkol sa atin, upang sila'y huwag maging sakdal ng bukod

          sa atin.

·        Paghamon na mas lalong magpakatatag

o   Yung sinasaad na “lalong mabuting bagay” ay hindi nangagnahulugan na mas mabuti ang ginawa ng Diyos sa mga mananampalataya sa Bagong Tipan kaysa sa Lumang Tipan

o   Kundi ipinakikita rito na mas konkreto ang pangako o mas malinaw sa mga nasa Bagong Tipan ang pangako ng Diyos

o   Kaya wala ng dahilan pa na huminto sa bumitiw sa pananampalataya sapagkat malinaw na malinaw ang pangako ng Diyos kumpara sa mga nasa Lumang Tipan na siyang gumawa ang Diyos ng lalong mabuting bagay tungkol sa mga nasa Bagong Tipan

·        Pagkukumpara

o   Sa Lupang Tipan ay anino lamang ng pag-aalay at sakripisyo ngunit sa Bagong Tipan ay mismong ang tunay na elemento o tunay na sakripisyo

o   Sa Lumang Tipan ay propesiya ngunit sa Bagong Tipan ay kaganapan

o   Sa Lumang Tipan ay nag-aantay lamang ngunit sa Bagong Tipan ay inaalala

o   Kaya sa unang kabanata ng aklat na ito ay ang pagpapakilala kay Kristo na kanilang iaantabayanan

·        Walang Mas Sakdal

o   Hinahamon sila dito ng Diyos na mas makatuwiran na kayo ay manampalataya dahil sa mga ebidensya ng katuparan ng unang bahagi ng propesiya patungkol sa Kristo at pagliligtas na Kanyang ginawa

o   Walang higit sapagkat lahat ay inaantabayanan

o   Sinasabi rin kung paano sila naligtas dahil sa pananampalataya ay ganoon din ang mga nasa Bagong Tipan.

·        Iisa ang Layunin

o   Bagamat ang Diyos ay gumagawa ng lalong mabuting bagay hindi nangagnahulugan na higit ang isang mananampalataya sa isa kundi ang nais ng Panginoon ay tumuon ang paningin ng lahat sa iisang pangako “Ang Pagdating Muli ng Panginoong Hesus para sa Kabuuan ng Kaligtasan ng mga nasa Luma at bagong Tipan at ganoon sa atin ngayon na umaasa at naghihintay sa muling pagdating ni Hesus”

Hamon: Ikaw ba ay nakatuon sa iisang pangako? Hinihintay mo ba ito kapatid? Nais mo bang dumating na si Hesus sa

panahon na ito o natatakot ka dumating si Hesus?

Kung ang Diyos ay gumawa ng lalong mabuti sa mga nasa Bagong Tipan upang magpatuloy sa pananampalataya

sa panahon ng pighati at pag-uusig dapat ay ganoon din tayo sa panahon ngayon sapagkat gumagawa ang Diyos ng lalong mabuting bagay para sa atin sa gitna nararanasan nating pighati at pag-uusig. Kumpleto ang pahayag sa atin ng Diyos sapagkat kumpleto ang Bibliya na naroon ang kapahayagan ng lahat ng nais Diyos na ipaalam sa atin.

"to prepare for death, for it is (said he) the king of terrors, though not to me now, as it was sometimes in my hidings; but now let us be glad and rejoice, for the marriage of the Lamb is come, and his wife hath made herself ready.”  John Renwick

KONKLUSYON

               Ating tandaan iisang klase ng pananampalataya mayroon tayo, isang pinanampalatayanan, isang pangako at daranasin ng pighati. Sa bawat panahon ay gumagawa ang Diyos ng lalong mabuting bagay at ang layunin nito ay gamitin ang ipinagkaloob Niyang pananampalataya sa atin na tayo ay manatiling nakatuon sa pangako sa kabila ng pag-uusig na nararanasan at ang pananampalatayang na sa atin ay maging buhay na patotoo.

Soli Deo Gloria

Jesus is the Answer Christian Church

Pebrero 17, 2013